Konpartsakideen gaurko tartean Hau Pittu Hau eta Txori Barrote konpartsetako kideak jaso ditugu, Nerea eta Haritz, hainbat kontu kontatzera. Atzo egun berezia izan zen Hau Pittu Haun, gaur Txori Barroten etxera eguna ospatzen dute. https://bilbohiria.com/docs2/2025/astenagusia/250822_haupittuhau_txori.mp3 Deskatgatu hemen.
Aste Nagusia
Aste Nagusian Bilbo Hiria irratiak zuzeneko emankizun berezia egin du egunez egun, jai eremutik bertatik emitituz.
Txinbotarrak konpartsako Itsasne eta Galder hurbildu zaizkigu eta konpartsaren historiaz, helburuez eta programazioaz jardun dugu eurekin. Bilbo Kantari ere izan dugu mintzagai, Galder bertan baitabil. https://bilbohiria.com/docs2/2025/astenagusia/250821_txinbo.mp3 Deskargatu hemen.
Aste Nagusiaren alderdi soziologikoei erreparatu diegu Xabier Aierdirekin, prospektiba egin nahian. Migrazioaren eta demografiaren bilakaerak, aisian, kontsumoan, jai ereduetan eta konpartsetan eragin du eta eragingo du. Etorkizuneko Aste Nagusia eta gizarteak hartuko duen norabidea begitantzen saiatu gara Xabierrekin. https://bilbohiria.com/docs2/2025/astenagusia/250822_xabierAierdi.mp3 Deskargatu hemen.
Lur eta Joseba etorri zaizkigu, beste 15 lagunekin, Hau Pittu Hau konpartsaren Euskara Saria jaso duelako Gure Zirkua ekimenak. Euskarazko zirkuaren alde egindako ekarpen itzela saritu nahi izan du konpartsa euskaltzaleak, euskararen sustapenean edo defentsan nabarmendu den norbaiten alde Aste Nagusian urtero egiten duen aipamen berezi horrekin. https://bilbohiria.com/docs2/2025/astenagusia/250821_gure_zirkua.mp3 Deskargatu […]
Aurkezpen gutxi behar dute jada gure protagonistek, larunbatean Arriagako balkoian lehenengoz ikusi genituen euren soineko eta txapel bereziekin, eta jada badakigu Aste Nagusi honetako Txupinera eta Pregoilaria direla, hurrenez hurren, Olatz Agirre Txori Barrote konpartsako kidea eta Francis Diez Doctor Deseo taldeko kantaria. Ibilbide luzeko musikaria da Diez: 1986an sortu […]
Piztiak konpartsako Juncal batu zaigu Aste Nagusiko saio berezian. Konpartsaren programazioa aurkezteaz gain, azpimarratu du txosna goizez ere irekita dagoela, eta pintxo beganoak eskaintzen dituztela. Ahalegin berezia egiten dute bai bazkarietan, bai bokatetan, aukera horiek bermatzeko. Aurtengo txosnaren dekorazioa ere hizpide izan da, benetan berezia baita. https://bilbohiria.com/docs2/2025/astenagusia/250819_piztiak.mp3 Deskargatu hemen.
Bertso eguna da gaur Algaran eta urtero lez bertsolari andana ibili dira konpartsaz konpartsa. Gure mikrofono aurrean egoteko tartea ere hartu dute eta bertan aritu dira kontu kontari Bertsolari gazteen VI. lehiaketan parte hartuko duten lau bertsolari: Ekhi Zuluaga, Kattalin Lizarraga, Nahia Echeverry eta Egiar Otaegi. https://bilbohiria.com/docs2/2025/astenagusia/250819_bertsolariak_algaran.mp3 Deskargatu hemen.
Maialen Ibarra abeslari eta musikaria da, atzo lova loiarekin batera Bilbo Rock aretoan izan zen bertako pop rock programan parte hartzen. Izaera lotsatia izan arren jendaurrean abesten gero eta ohituago dagoena. Txikitatik izan du musika gertu, familia musikazale baten eraginez, eta 8-9 urterekin gitarra ikasten hasi zen Arrigorriagako Artizarra musika […]
Kirikiño Ikastolak antolatuko du 2026ko Ibilaldia, Bizkaiko ikastolen urteroko jaia, eta ekitaldiak berriro Bilboko kaleak beteko ditu maiatzaren 31n. 48. edizio hau euskara, hezkuntza, komunitatea eta herrigintza uztartuko dituen proiektu bizia izango da, eta Kirikiño Ikastolaren balio eta helburu historikoekin bat egiten du. HIRI KIRIBILI BIL! leloarekin eta logo berezi […]
Euskara ikasten ari direnen eguna izan da gaur Algaran. Gabriel Aresti euskaltegiko ikasleak paella txapelketa izan dute. Tartean Bakaiku barnetegitik etorritako ikasleak izan dira gurean. Bakaikuko barnetegian egunotan euskara ikasten ari direnek tartetxoa hartu dute, urtero bezala, ALGARAko ikasle egunera hurbiltzeko. Aste Nagusian paella, jolasak, karaoke ibiltaria… egunpasa ederra egiteko […]