Barakaldoko Udalak, berriro, euskararekiko duen mesprezua erakutsi du. Azkenak propagandan agertu dira, publiko diren oharretan edo Hirigintzari buruzko liburuxkan, Gotzon Hermosillak kontatu digunez. DESKARGATU HEMEN
Ibaizabal Magazina
Ibaizabal magazinean aktualitateko gai ugari jorratzen dira, munduko eta, batez ere, Bilboaldeko kontuak: elkarrizketak, albisteak, solasaldiak eta erreportajeak.
Iñaki Barzena, EHUko irakasle eta Ekologistak Martxan-eko taldekidea izan du gurekin; Krisi ekonomikoaren nondik norakoak aipatu dizkigu eta hainbeste aipatu eta indarrean jartzen ari diren murrizketen irakurketa egin; krisiarekin “negozioak” egiten dituztenak ere aipatu dizkigu; halaber, soluzioak bilatzekotan nondik jo beharko genukeen mahaigaineratu du. DESKARGATU HEMEN
Euskaltzaindiaren Erleak aldizkariaren azken zenbakian, komikigintzari lotuta hainbat artikulu agertu dira, Jon Iñaki Artetxek esan digunez. Horrez gain, egun Donostian martxan dagoen J. C. Egileor-en erakusketa komentatu du. DESKARGATU HEMEN
Gaurkoan, lau gai ekarri dizkigu Jon Sanchez Hala Bedi Irratiko esatariak: hasteko, Ekaitz Samaniegoren aldeko manifestazioa; gero, Fragaren heriotza eta Martxoak 3 elkartearen iritzia. Gasteizko aurrekontuak eta agenda ere komentatu ditu Jonek. DESKARGATU HEMEN!!!!!!
Pasa den urrian zuzendaritza berria aukeratu zuten aipatu Partzuergoan, maiatzeko hauteskundeek emandako datuen arabera. Egun presidente den Iratxe Arriolak kontatu digunez, kezkagarria da erakunde horren egoera, horniketari, saneamendu sareari edo ekonomiari dagozkien kontuetan. Aurrera egiteko, diagnostiko erreal bat egin nahi du zuzendaritza berriak, herritarrei uraren kudeaketaren inguruko aspektu guztiak jakinaraziz. […]
Pasa den larunbatean Euskal Herriko Laborantza Ganbarak bere 7.urtemuga ospatu zuen Ainhize-Monjolosen, jai giroan. Baina horretaz aparte, Patxi Gaztelumendik kontatu digunez, hausnarketa egiteko tenorea ere izan zuten: 2011ko balantzea, Lurrama azoka edo erronka nagusiak, besteak beste. DESKARGATU HEMEN
Barakaldoko auzo horretako jaiak pasa den larunbatean hasi ziren eta datorren igandera arte luzatuko dira. Egitarauan hainbat ekitaldi, egunero baitago zer edozer: azpimarratzekoak ostiraleko kontzertua eta bertso-afaria, edo igandeko Azoka, Gotzon Hermosillak azaldu duenez. DESKARGATU HEMEN
Abenduari dagokiona eta elkarrizketa nagusia La Fundicion aretoko Luque Tagua programatzaileari egin diote. Erreportajean “Denbora bankua” jorratu dute eta Barkua bete berba atalean Mikel Alonsoren “Zorrozaurre” liburua. Horietaz gain, ohiko Gurera etorriak, Inkesta edo Deustualdeko historia, Lur Mallea Presteko zuzendariak kontatu digu. DESKARGATU HEMEN
Aste honetan hainbat ekitaldi burutuko dituzte. Astelehenean bilera egin zuten zuzendaritzak eta Langileen greba batzordeak; asteartean elkarretaratzea eta zenbait bilkura egingo dituzte langileek; ostegunean, aldiz, lan-uztea eta manifestazioa. Raul Mendezen ustez, Txema Oleaga Metroko zuzendari berriak borondatea erakutsi behar du gatazka bideratzeko. DESKARGATZEKO KLIKATU HEMEN.
Afera 2007an hasi zen Mamariga auzoan: Santurtziko Udalak erabakita, Javier Fernandezek 30 bat etxebizitza eraitsi zituen, gero eraikiko zituela hitzemanda. Ia 5 urte pasa dira eta familia horiek etxetik kanpo bizi dira, Iñaki Casaresek kontatu digunez. DESKARGATU HEMEN.