Ibaizabal Magazina

Iragan ostiralean pausatu zen zuberotar kantari dotorea; hainbeste kantu berreskuratu eta abestu zituen gizona gogoratu dugu gaurko honetan; saiatu gara zuberotar arimaren esentzia gureganatzen. Bizi bitez Zuberoa eta Dominika! DESKARGATU HEMEN

ENHE-ko kide Xabier Eliasekin izan gara; Bizilur taldearekin batera egin duten “Gure lurra, gure etorkizuna” dokumentala aurkeztu digu; elikadura subirautza oinarri hartuta ekoiztutako lana. Bilbon, Sarrikoko Fakultatean egingo dute aurkezpen ofiziala martxoaren 28an, 19etan.  DESKARGATU HEMEN

Duela gutxi ateratako egitasmoa, Euskadiko Blogarien Elkartea sortzeko hain zuzen. Batzuk hor dabiltza; beste batzuek, Patxi Gaztelumendiren kasu, holako elkartea ez dela beharrezkoa pentsatzen dute.  DESKARGATU HEMEN

Datorren ostiralean, hilaren 23an izango da Bilbon, “Kriminalizazioari ez, nuestros barrios sin fronteras” lelopean. Aurten ere hainbat elkarte aterako da kalera: kontuan hartu behar da, gainera,, Patxi de la Fuentek kontatu digunez, Etorkinen inguruko EAEko Behatokiak duela gutxi argitaratutako datuak.  DESKARGATU HEMEN.

Iosu Larrinaga soziologo eta EHU-ko irakaslearekin izan gara; krisi ekonomikoaren ondorioz Durangaldeko AHTren lanen esleipenak pairatzen ari diren atzerapenak sortutako egoera aztertu du; martxoaren 29ko grebaren inguruko apunteren bat ere egin digu Iosu lagunak. DESKARGATU HEMEN

Foru Hobekuntzaren 30. urteurrenarekin hasi da Mikel Bujanda. Gero, Madrilen, euskararen gorazarrean Nafarroako agintariak ez direla izan kontatu digu. Banca Cívica ere izan du hizpide eta bukatzeko Agendako kontuak ekarri dizkigu Mikelek.  DESKARGATU HEMEN

Gaur ere, hiru ekarri dizkigu Joxe Rojasek: hasteko Eskoriatzan egingo diren Komunikaldiak ; jarraitzeko, Europar Batasunak Europako hizkuntza guztien itzulpena egiteko webgune berria aipatu du; eta bukatzeko, telefonia enpresak urduri daudela esan digu, bezeroak asko mugitzen direlako.  DESKARGATU HEMEN.

Otsailari dagokiona eta elkarrizketa nagusia Andres Osa “Sakona”-ri egin diote. Otsailean 14 urte bete ditu Bertonek eta edizio digitalera ere jauzi egin du. Begoñako Udaletxea edo Emakumeok auzoa marrazten artikuluak ere komentatu ditu Lur Mallea zuzendariak.  DESKARGATU HEMEN

Bosgarren edizioa larunbat honetan, hilaren 17an ospatuko dute S. Frantziskoko hainbat lekutan. Parte-hartzea bultzatu nahi dute antolatzaileek, baita auzo horretan dagoen aniztasuna islatu. Eguerdiko 12etan hasiko dira perkusioekin, Patxi Manrikek kontatu digunez. DESKARGATU HEMEN

Bi gai horien inguruan ibili gara gaurkoan ELAko Joseba Villarealekin. Lehengoari dagokionez, atzera egitea ekarriko duela esan digu; grebari buruz, aldiz, martxoaren 30etik aurrera borrokan jarraituko behar dela.  DESKARGATZEKO KLIKATU HEMEM