Duela 75 urte Francok gidatutako altxamendu faxista gerra zibila bihurtu zen Hego Euskal Herrian. Ezagunak dira horren biktimak, eta ugari gure artean, bai gerran, bai gerra ostean, baita tardofrankismoan ere: horretan ari dira lanean Ahaztuak 1936-1977 elkarteko kideak. Uztailaren 18ko gertakari hura gaitzesteko mozio bat sartu dute udaletxeetan, eta dagoeneko Urduñakoak onartu egin du, elkarte horretako Martxelo Alvarez bozeramaleak esan digunez.