Ipar E. Herritik; horrela agertzen da gaurko Pantxo Irigarai, Irulegiko Irratiko kazetariaren kronika. Sehaska eta Prefetaren arteko aferaren nondik norakoak alde batetik (alde ilunetik, alegia); argiz beteriko eremuetatik, bi berri: datorren igandean, maiatzak 11, izango den Herri Urrats-en aurtengo edizioarena, eta aurten dagoeneko plazaratu eta oholtzaratuko diren lau pastoralena; bai, ondo aditu duzue, lau izango baitira! Bejondeigula.