Errefuxiatuen nazioarteko eguna bihar ospatuko da, ospatu hitza egokiena ez den arren, eta gaur, egunotan Bilbon izan den Azad Kanjo dokumental egile kurdu-katalana hartu dugu Bilbo Hiria irratian, asteartean Kobaneko Erbesteratzea (L’ exili de Kobane) dokumentala aurkeztu baitzuen Kafe Antzokian.
Kurdistan zer den, bere historia eta egungo egoera zein den kontatu digu Azadek. Dokumentalaren sorburua azaldu digu, familiari laguntzera ematera abiatu baizen iazko irailean Turkia eta Siria arteko mugaldera. Bertan aurkitu zuen errefuxiatuen ihesaldia deskribatu digu, hitzez zein kamararekin, dokumental honetan. Han aurkitu zuen hondamendiak eragindako sentimenduez, emakumeen rolaz eta beste hainbeste konturen gainean ere jardun dugu solasaldi interesgarri honetan.