Gabriel Aresti euskaltegiak uda honetarako helduentzat prestatu dituen barnetegi eta ikastaro trinkoen aukera zabala da. Uda, ekainaren 1ean hasi zen euskaltegi honetan, eta gaur bukatuko dute egun hartan hasitakoek. Bihartik aurrera, eta iraila amaitu arte, aukera asko dira mahaigainean, eta horiekin batera hainbat kultura ekitaldi, gure hizkuntza eta gure kultura hobeto ezagutzeko, Isabel Isazelaiak eta Eli Carrascosak kontatu digutenez.
Gaurko saioan antzinako musika izan dugu protagonista Enrike Solinís musikariak zuzendutako Euskal Barrokoensemble taldeak lan berria aurkeztu baitu, ‘Euskel Antiqua’ deiturikoa. Izenburuan Juan Perez Lazarragaren eskuizkribuei aipamen zuzena egiten diote aintzinako euskal musikaren berreskurapena helburu duen talde honetako lagunek eta bertan 23 kantu berri bildu dituzte. https://www.bilbohiria.com/docs/podcast/piperpolis/150630piperpolis.mp3 Deskargatu hemen
