Ikastetxe publikoetan erlijioa ikasteko gero eta eskaera gutxiago badago ere, derrigorrezko eskaintza da. Gaurko saioan STEILAS sindikatuak eskola laikoaren inguruko xehetasunak eman dizkigu. Une honetan erlijio kristau katolikoa derrigorrean eskaini behar da, ikastegian eskaera bat nahikoa da eskola horiek bermatu behar izateko eta taldeko ikasle guztiak behartzeko ordu eta erdi astean (guztira 30 ordu ematen dira derrigorrezko hezkuntzan) ikasgai alternatiboan emateko. Beste hiru erlijiori (juduari, islamikoari eta kristau ebanjelikoari) aitortzen zaie eskola ordutegiaren barruan presentzia izateko aukera, baina, gutxienez, 6 eskaera behar dira ikastetxean, eta, gainera, arazoak izaten dira irakasle tituludunak topatzeko.
Deskargatu hemen.