Marrazkiak azalean azala hitzetan lelopean, diziplina askotako hainbat ikuskizun izango dira Ean uztailaren 14tik 16ra bitarteko asteburuan. Irudiarekin batera, arteak izango du leku berezia aurten. Gaurko saioan egitarauan sakondu dugu Castillo Suarez, Mariasun Landa, Mikel Martinez eta Inuekin batera. 14garren edizioa izango da aurtengoa eta hasierako ezaugarriei eutsi diete antolatzaileek: auzolanean oinarritutako jarduera da, bere txikitasunean bakarra eta berezia, idazleen eta herritarren arteko harremana sustatzen duena, eta literaturaren eta, oro har, artearen gainerako adierazpideak batzen saiatuko dena, poesia lehenesten duena.Jaialdiaren erdigunean poesia badago ere, ez da soilik hitzarentzako parada izango Ean antzerkiari, musikari eta dantzari ere leku egin diete programan. Are, diziplina ezberdinetako sortzaileek elkarlanean jardungo dute hainbat emanalditan.
Deskargatu hemen.
