“Prest gaude, giza eskubideak konponbidea bakea” lelopean larunbatean manifestazioa deitu du Sare herri plataformak. Aurtengo mobilizazioa berezia izatea nahi dute. Sare plataformaren iritziz, egoera eta momentu berri baten gaude. Gizarteak gatazkaren ebazpenean aurrera egiteko pausuak eman ditu ETAren armagabetzea egiaztatuz. Erakunde frantziarrak ere gaurko espetxe politikari irtenbide emateko pausuak ematen ari dira. Hemen, Euskal Herrian ere, Gasteizko eta Iruñeko parlamentutan emandako gehiengoek ere honen inguruan akordio berriak lortzea eta pausuak ematea bideratzen dute. Inaxio Oiartzabal izan da gurean. Espetxe politikak giza eskubideak urratzen dituela gogora ekarri digu eta Europako legediak esaten duenaren kontra egiten du, Espainiako estatuaren immobilismoa salatu eta Gizarte Zibila aktibatu behar dela.
Deskargatu hemen.