D Capricho talde kubatarraren musikaz gozatzeko aukera izan dugu gaurko saioan, bikotea zuzenean aritu da saioan zehar, Kubako Habana hiritik dator eta Danieuris eta Daniellis Moya Ávila ahizpak osatzen dute, Kubako poeten letrak ez ezik zenbait euskal poetaren letrak ere kantatzen dituzte. Elkarrizketen atalean Shakti Olaizola izan dugu, Kontorsioa, akrobazia, dantza, pintura, antzerkia eta zuzeneko musika uztartzen ditu “Baldin Bada” obrak. Shakti Olaizola eta Joseba Negro, bi pertsonai bihurri eta abenturazale, ezinezko orekak lortu nahian. Saioa bukatzeko zenbait konpartsatako kideak ere batu zaizkigu.
Deskargatu hemen.
