Gaurko hirigintza atalean gastronomia eta arkitekturaren arteko paralelismoen inguruan hausnartu du Ula Iruretagoeinak. Askotan entzun izan dugu Michelin izardun jatetxeetan langileen lan baldintzak kaskarrak direla. Polemika ez da berria. Bestelako profesioetan, ospea kudeatzen duten lan taldeetan zer gertatzen den jakin nahi dugu, eta zehazki, arkitektura munduan. Eraikuntza batean ikerketa lan handia egon daiteke, material ezberdinak frogatuz, eta benetan artisautza lan bat da, espazioen girotze berezi bat sortzea, eta kokapenak eta biztanleak behar dituen baldintzak asmatzeko prozesua dentsoa da. Guzti hau, denbora da, eta beraz, dirua da. Goi gastronomiatzat dugunak ere bai, ikerketa lan handia du. Hau da, platerera datorrenaren atzetik ordu asko egon dira testurak, zaporeak nahasten eta probatzen. Arkitekturan gutxienez, eta estatu Espainiarrean, ez da lan estra hori ordaintzen, ez eta baloratzen ere.Bulego handi eta ospetsuak bekario eta ikaslea-praktiketan oinarritzen dira. Jatetxeak eta arkitektura bulego handiak, ikastetxe txikiak balira bezala tratatzen dira. Master bat egitea bezalaxe da bertan lan egitera doazenak . Currikuluma puztu eta esperientzia ona lortu. Artisau onak bezalaxe, denbora behar da arte lana eskuratzeko. Eta lana estimatu, prozesuan itxaronez eta lan onaren prezioa ordainduz.
Deskargatu hemen.