Hamalau saio eta ehun lekuko baino gehiagoren testigantza jasotzea aurreikusten ditu Cabacas auziko epaiketan. Sei ertzain epaituko dituzte. Akusazio partikularrak ertzainei leporatzen die Iñigo Cabacas zuhurtziagabekeriaz hiltzea. Fiskaltzak, berriz, absoluzioa eskatu du. Cabasen heriotzatik sei urte eta erdi igaro direnean hasiko da epaiketa. Iñigo Cabacas 2012ko apirilaren 5ean zauritu zuen Ertzaintzak jaurtitako gomazko pilota batek, eta bost egun geroago hil zen kolpearen ondorioz. Epaiketa hasieraren bezperan eta gaur elkarretaratze jendetsua egin dituzte epaitegi aurrean, babesa eta benetako justizia eskatzeko.
Deskargatu hemen.
