Larunbatean Feministon Herria egunarekin bukatu dira Emakumeen mundu martxaren nazioarteko topaketak. Nazioarteko Idazkaritza berria aurkeztu dute. “Denak libre izan arte” lanean jarraitzeko konpromisoa berretsi du Emakumeen Mundu Martxak. Aipamen berezia egin diete bertan egoterik izan ez dutenei: “emakume presoei, errefuxiatuei, etxeko langile…” Goizetik hasita, egun osoko egitaraua antolatu dute Feministon Herrirako. Gatazka politikoetan eta bakegintzan generoak duen eraginaz hausnartu dute, mahai-inguruan; bazkaritarako, 400 kide baino gehiago elkartu dira, eta kantaldiaz eta musika emanaldiez gozatu dute bazkalostean.
Deskargatu hemen.
