Gaurko saioan Ruper Ordorikaren azken diskoarekin abiatuko gara, Bakarka izenarekin kaleratu duen azken disko honetan bere abestirik gogoangarrienetako batzuen bertsio akustikoa eskaintzen digu Ruperrek, doi eta dotore. Segidan,Wilco taldeko buru izan den Jeff Tweedy-ren azken diskotik (Warm) pare bat abesti –. Olatz Salvador donostiarrak Zintzilik izena jarri dio bakarka atera duen lehenbiziko diskoari. Sintetizadoreen pisua sumatzen da lan txinpartatsu honetan. Sharon Van Etten-ek Remind me tomorrow diskoa kaleratu berri du eta bertatik pieza pare bat hautatu ditugu. Bukatzeko, Joseba Irazoki eta Lagunak Zu al zara? euren azken diskoa eta Jonathan Wilson-en Rare Birds. (Argazkia: Lorena Otero).
Deskargatu hemen.