Jakina denez, osteoporosia hezurrei eragiten dien gaixotasuna dugu. Gaixotasun honetan hezurretako ehunetan gabezia larriak gertatzen dira. Ondorioz, hezurra ohi baino hauskorrago bihurtzen da, eta aurrerantzean erresistentzia gutxiago izango du. Hori dela eta, ohikoa izaten da gaixoek traumatismoak, frakturak eta mikrofakturak izatea. Baina zientzialariek berrikitan erakutsi dutenez, gaixotasun honen prebentzioa gaztetatik egin daiteke, jarduera fisiko eta dieta egokiak eginez gero. Horretaz mintzatuko zaigu Jon Irazusta zientzialaria gaurko saioan.
Jon Irazusta Astiazaran UPV/EHUko Odontologia eta Medikuntza Fakultateko irakaslea eta ikertzailea da, eta Fisiologiako katedraduna er bada. Fisiologia biologiako alorra da, eta honek bizidunen funtzioak, ehunak eta organoak ditu aztergai. Honen baitan garatzen du bere lana Jon Irazustak. Eta, besteak beste, jarduera fisikoak gure gorputzean dituen eraginak aztertu izan ditu. Esaterako, haur, heldu eta kirolariengan ariketa fisikoak zer-nolako onurak dituen aztertzeko saio ugari egin du. Baina, irakaslea eta ikertzailea izateaz gainera, dibulgatzailea ere bada Jon. Hamaika hitzaldi eta artikulu idatzi ditu honen bueltan. (Argazkia: Nicepik).
Deskargatu hemen.
