Azokaren bigarren egunean jakitera eman dute aurten Sormen Beka zein musikarik irabazi duen. Bekaren bigarren edizioan musika proiektu bat bultzatuko du, Iratxe Agulilerak irabazi du sormen beka, musika urbanoa lantzen du, pozik agertu da saria jasotzerakoan. Epaimahiaren izenean Maite Arroitajaurejik eta Joxean Goikoetxeak hitz egin duteSormen Beka DA egitasmoak kontuan ditu kultur sorkuntzaren barruan Durangoko Azokak bere baitan hartzen dituen diziplinak, hau da, literatura, musika, arte eszenikoak eta ikus-entzunezkoak. Aurkez daitekeen proposamena diziplina bakarra edota diziplinen arteko uztarketa izan daiteke, baina deialdi bakoitzean diziplina bat hartuko da oinarritzat. Horrela, 2019an musika izango da oinarri, edozein generotakoa; iaz literatura izan zen.Beka sortzaile berrientzat izango da, hau da, lan bakarra izan dezake kaleratuta, CD edo maketa formatuetan edo sarean; izangaiek 18 urtetik gorakoak izan behar dute, eta banaka zein taldeka aurkez daitezke. Bekaren zenbatekoa 15.000 euro izango da, eta sorkuntza prozesua eta plazaratzea lagunduko dira. Beka proiektu bakarrari emango zaio eta lehiaketa bidez aukeratuko da.
Deskargatu hemen.