EHUn Geografia eta Historian lizentziaduna da Iban Zaldua eta egun, bertako irakasle ere bai. Hamaika liburu idatzitakoa da eta baita horiengatik saritua ere, hiru bider eskuratu baitu Euskadiko Literatur Saria. Gaurkoan ordea, “Sekula kontatu behar ez nizkizun gauzak” izeneko liburua izango dugu hizpide, gaur arratsaldeko 6.30etan irakurraldia eskainiko baitu Erandioko kultur gunean. Horri buruzko xehetasunak azaleratuko dizkigu idazleak.
Consonni argitaletxeak Alhondigako bi urteko egonaldia bihar amaituko du zuzeneko irrati showa eginez. Consonnik #consonniradioconAz irratia sortu du, eta hitzarekin eta irratiarekin esperimentuak egin ditu, kultura kritikoa zabalduz. Egonaldi-amaiera hori dela eta, Azkuna Zentroak eta consonnik, emakume sortzaileen topaketa bat antolatu dute, arte garaikidea eta literatura harremanetan jartzeko, feminismoak bide-orri […]
