Larunbatean Hitzaren Dantza jaialdia ospatuko da Algortako Muxikebarri antzokian. Atik Zra, bertsoak, dantza eta musika batzen dituen ekitaldia da Hitzaren Dantza jaialdia. Joseba Santxok ekarri dizkigu xehetasunak. 2015ean abiatu zen Hitzaren Dantza ekimena eta urte hauetan egindakoaren errepasoa egingo dute larunbatean, beraz, urriaren 3an, Muxikebarrin ospatuko da jaialdia. Bertan, Itsaso Paya, Xabat Illarregi eta Aitor Mendiluze bertsolariek bestelako zenbait artista izango dituzte plazakide: Mixel Etxekopar kantari, bertsolari eta xirulari zuberotarra, Miren eta Roberto Etxebarria musikariak Erreskan taldearekin, eta Nagore de las Cuevas eta Arkaitz Pascuas dantzariak.
Deskargatu hemen.
