Amorrua, haserrea, bakardadea, tristura, etsipena , asperdura edo antsietatea bizi dugun egoerak askori ekarri dizkionak izan digu mintzagai. Antsietatea izan dugu gaurko gaia. Alarma egoera eta konfinamendu neurriak arrastoa uzten ari dira herritar askoren buruko osasunean, eta, horiek arintzeko asmoz, zerbitzu asko jartzen ari dira martxan Euskal Herrian. Guzti horiek ere komentatu ditugu Saioa Hernandez Psikologo eta sexologiarekin.
Deskargatu hemen.
Jae Nichelle
Nire antsietateak eta biok batzuek txortalagun -harremana deritzotena dugu
Ez dugu elkar maite, baina larrua jotzen dit oraindik tarteka, badakizue
Duela urte batzuk elkarrekin bizitzera joan ginen.
Txantxa pribatuak ditugu.
Adibidez, esaten dudanean “horko horrengan hitz egitera hurbilduko naiz”
nire antsietateak begiratu, eta “bai, zera” esaten dit
Nire antsietateagatik ez nuen zurekin hitz egin.
Posesiboa da bera.
Ez zaio gustatzen nik beste inorekin hitz egitea.
Irrazionala da.
Beragatik
hartuko dut etxera heltzeko biderik luzeena, dagoeneko ikusi dudan norbait ekiditeko,
ez dakit-eta zenbatgarren “aupa”-n dagoen muga onargarria.
Beragatik
ez diet ezer esaten jatetxeetan eskatu ez dudana ateratzen didaten zerbait zarei, jan egiten dut
Izan ere, beharbada patata frijituak nahi nituen
baina ekarri didazun brokolia da behar nuena. Eskerrik asko.
Beragatik
hartuko dut etxera heltzeko biderik luzeena, mutil-lagun ohiaren antza duen
norbait ekiditeko.
Izan ere, antsietatea entzungailuetan sintonizatzen dudan bakoitzean
beste inork ez ninudela maitatuko esan zidaneko guztiak
entzunarazten dizkit, hutsik egin gabe.
Beragatik,
jarraitzen dut pentsatzen ez nauela inork maitatuko.
Etengabe galdetzen diot neure buruari
zer gertatzen ote zaion magia (dela?) sentitzeko
antsiosoegi zegoen neska beltz bati
hegan egin al dezake?
…hegoekin?
Txingurriaren bizimodua ahazterik izango al du?
Beldurra? Egiten duena egiten duela zanpatuko duten arriskuan dagoelako beldurra.
Azaldu nahi dudana da
nire antsietateari ez zaiola gustatzen metaforen bidez azal dezadala
baina etengabe gogorarazten ari zait zein erraza naizen zanpatzen .
Hitz egiten ari naizela,
haren pisuari eusten ari natzaio sorbaldetan
eta horregatik dardar egiten dut tarteka.
Borrokatu egin behar dut
zutunik geldi egoteko
kulunkatzeari uzteko
Elkarrekin aukeratu dugu gaurko arropa. Azkar lehortzen den zerbait.
Izerditan nago
eszenatoki gainean egotea
zuek ikusi ezin duzuen boxeo-saio batean borrokatzearen parekoa delako,
eta hura konorterik gabe uzteko erabakia hartu dut.
Urteetan borrokatu izan naiz geure etxea neuk gobernatu ahal izateko Gure etxearen gaineko kontrola hartzeko urteetan borrokatu behar izan diot.
