Josu Larrinagak hausnarketa ekarri digu gaurkoan, oso aproposa pandemia garai honetan, zientziaren inguruan etengabe ari baikara eztabaidatzen. Koronabirusak, ekarri duen estresarekin eta ondorio latzekin, funts zientifikorik ez duten era guztietako teoria bitxiak harrotu eta areagotu ditu. Baina beste adibide bat ekarri du Josuk hizpidera, Iruña-Veleia afera, maiz zientziaren inguruan ikuspegi okerra dugula erakusteko. Jakingo duzuenez, hiri erromatarraren indusketetan euskaraz idatzitako zeramikazko ostraka edo idazkunak agertu ziren. Hainbat filologo adituk esan zuten euskarazko ostraka haiek ez zetozela bat hipotesi zientifiko onargarriekin; kimikoek esan zuten idazkunak faltsuak zirela, berriki egindakoak. Prozesu luze baten ondoren, ostrakak faltsuztapena izan zirela ebatzi zuten epaitegiek. Nork egin zituen, ordea, ez da oraindik jakin. Akaso, denborarekin eta zientziaren garapenarekin jakingo da.
Baina bada horien egiazkotasuna aldarrikatzen duten talde bat, ostrakak benetazkoak direla erabat sinestuta dagoena. “Hitz egin dezala zientziak” esan dute horiek, baina zientzia etengabe ari da hitz egiten, arazoa da zientzia sinismenarekin nahasten dugunean. Zientzia, hala ere, ez da magia, eta hipotesi batekin bat etortzea edo ez ezin izango da inoiz sinesmen edo fede kontua izan, hori metodo zientifikoaren aurka doa. Zientzia kontrakoa da: jarrera eszeptikoa izan behar da, sinesmenetatik urrun.
Deskargatu hemen.
