Aurtengo jaialdia pandemiaren eraginez atzeratu egin behar izan da eta, azkenik, LAUTAN HIRU antzerki txikia, festibal handia egitasmoa maiatzean izango da, lau ostegunez jarraian: maiatzaren 6an, 13an, 20an eta 27an. Bilboko Udalak babesten du jaialdia, eta Euskaltzaindiak Cafe Bar Bilbaorekin, Zazpi Katu gaztetxearekin eta BIRA Kulturarekin elkarlanean antolatu du egitaraua. Antzezlanak Akademiaren egoitzan eta BIRA espazioan eskainiko dira, eta sarrerak, ostera, Cafe Bar Bilbaon salduko dira, astelehenetik aurrera. Ohikoa den moduan, antzerkizaleek hiruna pieza ikusteko aukera izango dute ostegunero, lau astez iraungo duen jaialdian. Bestalde, esan beharra dago, COVID 19ari aurre egiteko ezarritako neurri guztiak zorrotz bete beharko direla. Egitasmoaren helburu nagusia euskarazko antzerkia hauspotzea da, antzerkilariei plaza berriak eskainiz. Iñaki Mendizabal Euskaltzaindiako komunikazio arduradunak kontatu dizkigu xehetasun gehiago.
Deskargatu hemen
