Ostegunean Bira kulturgunean Istanbul Ikuskizun literario musikala estreinatuko da. Horren inguruan berba egiteko gaur Lutxo egia hurbildu zaigu Bilbo Hiria irratira. Bere hitzetan esan dezakegu migrazioaren aurrean, begirada tragikomikoa bat dela ikuskizuna. Izan ere abiapuntua edonori barre eragiten dio. Jokin Gorostiza dugu protagonista. Kazetaria dugu eta errefuxiatu kanpamentuetan egon ostean Istanbulen hegazkina hartuko du, etxerako bidean. Baina hegazkinean datorrela, denak gizonak eta burusoilak direla konturatuko da. Oier Guillan aktoreak ahotsa jarriko dio Jokin Gorostiza kazetariari. Pelax, Telmo Trenor eta Elena Ramirezek soinu-banda sortu dute beren-beregi zuzenean joateko. Lau lagun izango dira oholtzan, hiru musikari eta aktorea, Lutxo Egiak berariaz idatzitako testu bat esku artean dutela.
Deskargatu hemen.
