Ongi Etorri Errefuxiatuak elkarretaratzea egin du ostegun honetan Bilboko Udalaren aurrean, udal Gobernuak Atxuriko kantxetan hesiak jarri izana salatzeko, gaua aterperik gabeko migratzaileek igaro ez dezaten. Urtarrilaren 3an, Bilbon etxerik gabeko emakume bat hil zen eta ordu gutxira, Udalak kantxak hesitu zituen, pertsona horiek bertan gaua igaro ez zezaten. Inork ez du nahi gazte hauek kantxetan lo egin behar izatea. Harrera elkarte eta bertako auzokideok hilabeteak daramatzate etxebizitza irtenbide duin bat eskatzen. Hesiak jartzea ez da irtenbidea. Auzokideak eta elkartasun taldeak erabaki horren atzean dagoen arrazakeri soziala eta instituzionala salatu nahi dute.Atzoko mobilizazioan, Ongi Etorri Errefuxiatuak elkarteak “burdin hesiak berehala kentzeko eta harrera duina egiteko” eskatu du. ‘Konponbideak eskaini beharrean, lotsaren hesia jarri du Udalak Atxuriko kantxetan’, gaineratu du. Ostiral goizean, Amaia Arregi Herritarren Segurtasunerako Saileko zinegotzi ordezkariak eta Juan Ibarretxe Gizarte Ekintza Saileko zinegotzi ordezkariak agerraldia egingo dute, EH Bilduk eskatuta, kantxen itxieraren berri emateko eta kudeaketari buruzko xehetasunak emateko.
Deskargatu hemen.