Arriaga Antzokian ostiralean estreinatuko da Erresuma/Kingdom/Reino antzerki-ekoizpen berria. Calixto Bieitok zuzendutako proiektu honek bi muntaia ditu, bata euskaraz eta bestea gaztelaniaz. Lehenik, euskarazko bertsioa estreinatuko da, Bernardo Atxagak egokitu duena, Larrakoetxearen testu batzuetatik abiatuta. Ostiral honetan estreinatuko da, otsailaren 11n, 19:00etan. Emanaldi bana egongo da ere larunbatean, hilaren 12an, eta igandean, hilaren 13an, ordu berean. Antzezlanari dagokionez, “familien arteko gerra zibil antzeko bat” dela aurreratu du aurkezpenean, eta nabarmendu du Shakespearek berezko dituen ezaugarriak biltzen dituela, hala nola ziurgabetasuna, zentzugabekeria, tentsioa, kontrastea edota intentsitatea. “Ume baten ametsa bezalakoa da, guztion barruan daramagun umearen aldarrikapen erromantikoa”, esan du. Honako hauek osatzen dute aktoreen zerrenda: José María Pou, Joseba Apaolaza, Lucía Astigarraga, Ylenia Baglietto, Ainhoa Etxebarria, Miren Gaztañaga, Iñaki Maruri, Koldo Olabarri, Lander Otaola, Eneko Sagardoy eta Mitxel Santamarina.
Deskargatu hemen.
