Milaka eta milaka herritarrek egin zuten bat euskararen aldeko lasterketarekin. Arratsaldez, 19:30ean iritsi zen Bilbora Korrika 22, eta irudi ederrak utzi zizkigun, jende uholdea izan baitzen, tipi-tapa euskararen aldeko pausuak emanez, hitzetatik ekintzetara pasatzeko unea aldarrikatzen. Ekintza lasterka ibiltzea izan zen, baina hitza, gure hizkuntza nagusi izatearen aldarri argia egin zuen lasterketak Bilbon. Lau ordu egin zituen Korrikak Bizkaiko hiriburuan, Elorrietatik sartu eta Zorrotzatik irten arte. Zuzeneko jarraipena egin genuen, Bizkaia Irratia eta 97 irratiarekin elkarlanean. Auzoz auzo, Korrikaren ibilbidean herritarren ahotsak jaso genituen. Hemen duzue saioa osorik entzungai.
Deskargatu hemen.