Akerbetz erromeria taldeak 15 urteurrena ospatuko du Kafe Antzokian. Festa ederra antolatu dute ostegunerako, urteurrena ospatzeaz gain, denboraldiari hasiera emateko ere kontzertu ederra izango baita. Jon eta Lander batu zaizkigu, eta erromeria taldeen gorabeherez aritu gara, errepertorioa urtero aldatu beharraz, lau orduko emanaldiez eta plazaz plaza aritzeaz. Ostegunerako festa antolatu dute azken urteetako ibilbidea ospatu eta denboraldi berriko errepertorioz gozatzeko aukera paregabea izan dezagun.
Espainiako Gobernuaren lan politikak aztergai izan ditugu gaurko Lanaren Ekonomia irrati saioan. Hasteko, UGT-Euskadiko Berdintasun, Politika Sozial eta Aniztasunerako Idazkaria, Xuria Artza, elkarrizketatu dugu, Nicolas Redondo sindikatuko buru historikoaren heriotzatik abiatuta gobernu-politika eta sindikalgintzaren arteko harremanak aztertzeko. Bestetik, Andrea de Vicente EHUko Lan zuzenbideko irakaslea izan da gurean, lan erreformaren […]
