Argia astekariaren aste honetako zenbakiaren errepasoa egin dugu Gorka Peñagarikano kazetariarekin. Irati pelikula hartu dute hizpide, izan ere datorren astean estreinatuko da filma. Bi elkarrizketa egin dituzte, Paul Urkijo eta Edurne Azkaraterekin batetik eta Gorka Lazkanorekin bestetik. Azken honek filmean erabiltzen den euskara islatzen duen garaira, VIII. mendera egokitu du. Euskal Herriko muralgintza izan dute ardatz, “Hormek ere hitz egiten dute” erreportajean. Xabier Peñalverren lana izan da Euskal Memoriak argitaratu duena. 1981etik bere argazki-kamerekin dokumentatu dituen 4.000 bat horma-irudietatik 1.000 jaso ditu liburuan. Bukatzeko Gaby Etchebarneri egindako elkarrizketa komentatu dugu.
Deskargatu hemen.
