Joan den astean eman zen jakitera Eusko Ikaskuntza-Laboral Kutxa Gazte Saria 2023ren epaia. Sari hori urtero ematen diete bi erakundeek Humanitate, Kultura, Arte edo Gizarte Zientzien arloetan 35 urtetik beherako gazteek proposatutako sormen- edo ikerketa-proiektu onenei. Bosgarren edizio honetan Beñat Garaio gasteiztarra izan da irabazlea, Zeelanda Berriko euskara eta maoriera, hizkuntza indigena, biziberritzeko prozesuen arteko ikerketa konparatiboagatik. Ikerketa soziolinguistiko hori hainbat ekintzarekin gauzatuko du Beñatek datorren urtearen amaierara arte, 2024ra arte. Gainera, Hizkuntza Indigenen Nazioarteko Hamarkadarekin bat egingo du. UNESCOren ekimen horren bidez, mundu osoko hizkuntza gutxitu askoren egoera kritikoa nabarmendu nahi da.
Deskargatu hemen.
