Tatxers taldeak lan berria argitaratu du, taldearen izena daraman eta hamaika kantuz osatutako lana da. 2020an Garaipen kutrea maketa argitaratu zutenetik hirugarren lana dute, Martin izan da gurekin telefonoan. Grabazioa landuagoa izan dela azpimarratu du, izan ere nahasketetan parte hartu dute eta horrela kantuak eraikitzen joan direla azaldu du. Berako Atala estudioan grabatu dituzte kantuak. Hitzei dagokienez, aurreko lanen ildoa jarraitu dute entzuleek kantuaren istorioa bereganatzeko bidean. Gaur gauean Kafe Antzokian izango dira eta gogotsu daude, ikusmin handia dago Bilboko zaleen artean, izan ere, aspaldi agortu ziren gaurko kontzerturako sarrerak.
Deskargatu hemen.
