Abelzaintzaz jardun du gaurkoan Josuk, abelzaintza industrialaz eta tradizionalaz, abereei tratu txarrak… Behin egin genuen txuletari buruzko saioa, eta gaurkoan “txiroen txuleta” den hanburgesari buruz. Langileen gutizia zen oso noizean behin, txuleta bat jatea. Abelzaintzari buruz maiz mintzatu gara, abelzaintza industriala eta eskala handikoa, tokikoa eta txikikoa, haren ondorio ekologikoez eta alternatibez. McDonalds eta gainerako kateek ezarritako marka eredu korporatiboak ertz asko ditu, elikaduraren (kalitate txarreko) homogeneizazioa, globalizazioa, langileen esplotazioa, erreferentzia eta inplikazio kulturalak… Errematerako, azkenaldion etorri da ustezko “kalitatezko” burger gourmet, smash, premium eta abarren goraipamena. Handinahikeria bultzatzearen marketing mekanismo indartsuen poderioz, lehen munduko langile masa klase ertainekoa dela sinistera heldu den bezala, iritsi gara zaborra jatera, pentsatuz premium zaborra jaten ari garela.
Deskargatu hemen.
