Ekainaren 28an milaka herritar atera dira Bilboko kaleetara, Sexu eta Genero Askapenaren Aldeko Harrotasunaren eta Borrokaren Egunean, Bizkaiko E28 Koordinakundeak deituta. Aurtengo manifestazioaren ardatz nagusia transfobiaren aurkako borroka izan da, eta protesta goizez egin da lehen aldiz, BBK Ria makroekitaldiagatik arratsaldeko tartea kentzeagatik. Transfobiaren aurka, borroka kolektiboa leloa izan zuen manifestazioak. Larunbatean hori Bilbon, baina aurreko astean Bilbao Bizkai Harrrok karrozen kabalgata bat antolatu zuen. EHGAMetik argi adierazi dute, E28a, borroka eguna, ez negozio turistikoa. Baina 2015ean Bilboko Udalak “Bilbao Pride” (egun “Bilbao Bizkaia Harro”) izeneko egitasmo turistikoa sortu zuen, turismo gay zuri eta aberatsa erakartzeko helburuarekin. Urtez urte, egitasmo hori folklorean eta merkantilismoan oinarritutako ospakizunak inposatzen saiatu da, eta Ortzadar elkartea bitarteko izan da horretarako. Gertatutakoa baloratzeko gurean izan ditugu Gabri eta Daniela.
Deskargatu hemen.
