Bilboko Txurdinaga auzora begira jarriko gara jarraian. Izan ere, azken egunotan kezka eta haserrea piztu duen erabakia jakinarazi du Hezkuntza Sailak: datorren ikasturtetik aurrera Txurdinaga Behekoa institutua hustu eta eraberritu nahi dute, Lanbide Heziketara soilik bideratzeko asmoz.
Neurri horrek ondorio ugari izan ditzakeela salatu dute ikasleek. Besteak beste, Bilboko 3. eta 4. barrutietan batxilergoa duen institutu publiko bakarra geratuko litzatekeela diote, eta gainera Bizkaian arteen modalitatea gaztelaniaz eskaintzen duen zentro publiko bakarra ere desagertzeko arriskuan egongo litzatekeela. Egoera salatzeko eta ikastetxea ez ixteko eskatzeko mobilizazioak ere deitu dituzte ikasleek. Gai honetaz gehiago jakiteko, gaur gurekin dugu ikasleen ordezkari bat.
Deskargatu hemen.
