Maddi Oihenart eta Juantxo Zeberiok Lur deituriko lana argitaratu dute. Disko honetan, Maddik bere Lurraz hitz egiten digu. Baina gure lurraz hitz egiten dugunean, ezinbestean, lurgabeak sartzen dira tartean, eta saihestezina da Palestinaz ere hitz egitea. Musikalki, Maddi Oihenarten disko berezienetako bat da hau. Kantu bakoitzak bere soinu-mundu propioa osatzen du; sinplea dirudien arren, aldi berean konplexua da, gizakiaren sakonera begiratzen duena. Txikian, disko handi bat; konposizio eta moldaketa harrigarriak, pausatuak baina beti kantuaren alde, Juantxo Zeberiok sortuak. Juantxo eta Maddi irratian izan dira.
Deskargatu hemen.
