Martxoaren 17ko Greba Orokorrera begira jarri gara Lanaren Ekonomian, eguneko lau hiriburuetako deialdiak agenda sindikala zabaldu eta gero, Endika Alabort CNT sindikatuko eta Lanaren Ekonomia lantaldeko kidearekin berba egin dugu, biharko deialdi propio eta aldarrikapen zehatzen inguruan. Roser Espelt ELA sindikatuko Azterketa Bulegoko eta Lanaren Ekonomia lantaldeko kidean txanda izan da, argitaratu berri duten ‘Hazkunde ekonomikoa eta soldata geldialdia. Hego Euskal Herrian’ txostena aztertuz. Azken bi hamarkadetako soldaten eta mozkinen bilakaera erakusten dute txostenean, eta langileen aurkako banaketa desorekatua salatzeko analisia egiten dute, 2008ko krisiak osteko bi lan erreformen joera horretan izandako eragina aztertuta ere. Bukatzeko, Argia atalean, ‘Eta dena geldituko bagenu?’ artikulutik tiraka Xabier Irastorza Manu Robles-Arangiz fundazioko lehendakariarekin berba egin dugu, M17ko Greba Orokorraz eta garai hauetan langile borrokak duen garrantziaz.
Deskargatu hemen.
