Euskal Idazleen Elkarteak, Antxeta Irratiak, Bilbo Hiria Irratiak eta Naiz Irratiak lankidetzan ekoizten dute LIBURUEN MINTZOA literatur irratsaioa.
Irratsaio hau urte luzetan Bizkaia Irratian Irakurrieran izenarekin egindakoaren jarraipena da. Irratsaioa zuzenean entzun daiteke Antxeta Irratian asteazkenetan arratsaldeko zortzietan eta Bilbo Hiria Irratia eta Naiz Irratian ostegunetan gaueko bederatzietan. Bestela, nahieran entzun daiteke ere hiru irrati horien eta Euskal Idazleen Elkartearen webguneetan. Astean behin Mikel Antzak idazle bat gonbidatzen du LIBURUEN MINTZOA literatur irratsaiora. Literatur irratsaio honen aldi berri honetako lehen saioko gonbidatua Maite Aizpurua antzezlea izan da, zeina berak eta Infinitudrama konpainiak argitara emandako Herrenaren promesa antzerki-liburua eskuetan hartuta hurbildu baitzen mikrofonora. Saioan zehar, liburuan argitaratutako hiru antzezlanen inguruko hausnarketak helarazi dizkigu Aizpuruak. Horrezaz gain, Peru Aranburu literatura zaleak Lekeitiotik euskarara ekarritako Olga Tokarczuk-en Erabili goldea hilen hezurren gainetik eleberria gomendatu zigun. Herrenaren promesa antzerki-liburua eskuratu nahi duen entzuleak, 644 499 554 telefonoko whatsappean utzi behar du mezua. Eskatzen dutenen artean zozketan parte hartzeko, mezuaren hasieran LIBURUEN MINTZOA idatzi eta ondoren norberaren izen-abizenak eta liburuaren izena, oraingoan Herrenaren promesak.
Deskargatu hemen.
