Maiatzaren 29tik ekainaren 1era arte garatuko da aurtengo ACT, Eszena Berritzaileen Nazioarteko Jaialdia. Aurtengoa XVI. edizioa izango da eta, arriskua ardatz hartuta, 22 lan eszeniko eskainiko ditu ohiko agertokietan: Kafe Antzokia, Guggenheim Bilbao Museoa, Barakaldo Antzokia, Bizkaiko Antzerki Ikastegia eta aurrenekoz, Bagatzako Zirkodromoan. Olatz Gorrotxategik ekarri dizkigu ACT jaialdiaren xehetasunak. ACT, Nazioarteko Eszena Berritzaileen Jaialdiaren XVI. edizioak, malabareak, dantza, zuzeneko musika, txotxongiloak, performancea, zirkoa edota antzerkia eramango ditu oholtzara, beti ere proposamen eszeniko garaikideak eta berritzaileak erakusteko asmoz. Aurten 800 lan aurkeztu dira beraz aukeraketa saila izan dute. ACT, Nazioarteko Eszena Berritzaileen Jaialdiaren XVI.edizioak proposatzen duen programazioa kontsultatzeko, klik egin hemen.
Deskargatu hemen.
