Julen Apella berriztarrak iaz irabazi zuen Agustin Zubikarai saria eta berarekin egin dugu gaurko lehen hitzordua, bera “Sakelako bihotzak” eleberriaz. “Egungo nobela bat egungo gazteriaz” bezala aurkezten dute Elkar argitaletxean eta Julenek argi adierazi du edozeinek irakurri dezakeen nobela dela. Ahotsenea Literatura espazioan aurkeztu du liburua eta kontatu digu bere lehen esperientzia izaten ari dela Durangoko Azokan sortzaile gisa.
Guggenheim Urdaibai Stop plataformak “Urdaibaiko sakrifizioa” film laburra aurkeztu du Durangoko Azokan. Galder Irusta zuzendariak zuzendu du film laburra. Eider Gotxirekin aritu gara solasean eta kontatu digu filmak egoeraren errealitatea kontatzen duela. Bestalde, auziaren azken nondik norakoak ere kontatu dizkigu Eider Gotxik eta argi utzi du lanean jarraituko dutela. […]
