Gaurkoan Bilbora begira jartzen ari gara, duela 30 urte, Kafe Antzokiak ateak ireki zituenean, botxoa nolakoa zen ikusteko. Bilboko metroa martxan jarri berria zen, Guggenheim museoaren obrak abian ziren… eraldaketa giroa sumatzen zen hirian. Garai hartan, 1997 urtean, Labayru kalean Mina espazioa ireki zuen artista talde batek. Kultura alternatiborako lekua izan zen Mina, 2000. urtera arte egon zen irekita eta, oztopo ugariren ostean, ateak itxi behar izan zituen. Aitortu behar dugu arrastoa utzi zuela proiektuak. Ander Lipus aritu zen buru-belarri Mina espazioa eta bera gonbidatu dugu gaurko saiora, Mina espazioaren ibilbideaz solastatzeko.
Deskargatu hemen.
