Aste honetan abiatu da euskal hezkuntza sistema dualaren matrikulazio kanpaina, itunpeko sarearen gain eskaintza mantentzen duen planifikazioaren baitan, eskola publikoaren kaltetan eta segregazioa areagotuz.Gaiaren inguruko azterketa egiteko, Julen Llanos CCOO Hezkuntzako arduradunarekin hitz egin dugu, matrikulazioak eta ikastetxeen fusioek ikasleengan eta langileengan dituzten ondorioak aztertuz, baita Hezkuntza Itunaren porrota eta sare publikoaren eta itunpekoaren arteko desoreka ere.Bestalde, Nahia Idoiaga elkarrizketatu dugu, Danon Eskola Publikoa sarearen sorrera hizpide hartuta: 26 zentro eta 5.000 ikasle biltzen dituen ekimena, antolakuntza komunitarioan eta elkarlanean oinarritua.Amaitzeko, Argia atalean, Mikel Garcia Idiakez kazetariarekin Bizkaiko eskola publikoetako fusioak izan ditugu hizpide, Hezkuntza Sailaren argudioak eta sindikatuen salaketak aztertuz.
Deskargatu hemen.
