Lanaren ekonomia irrati saioa langileen ikuspegi ekonomikoa jorratzeko sortu da, Endika Alabort Amundarain eta Jon Bernat Zubiri Rey ekonomialariek gidatuta. Langile izatea ekonomia ikusteko era bat da, gehiengo zapalduaren ikuspegia. Sarritan botere arrotzaren eta Kapitalaren ikuspegitik azaltzen dira eguneroko gorabehera ekonomikoak. Kutsadura informatiboari aurre egiteko arituko dira Endika eta Jon […]
Lanaren Ekonomia
Lanaren Ekonomia irrati saioa Endika Alabort, Jon Bernat Zubiri, Maitane Jaio, Eki Etxebarria, Mikel Alvarez ‘Betelu’, Andrea de Vicente eta Roser Espeltek osatutako lantaldeak gidatzen du, Ane Zabala eta Ibon Burgoa Bilbo Hiriako kideen laguntzarekin. Lanaren ekonomiak langileen ikuspegitik jorratutako analisi kritikoak zabaltzea du helburu, 2018tik langile borrokak eta gatazkak abiapuntutzat hartuta.
Mundua eraldatzeko lehen pausua mundu horren errealitatea aztertzea, ulertzea eta azaltzea denez, zeregin horretan zentratuko gara. Ekintzarik gabeko analisiak bihotzik gabeko buruak diren bezala, analisirik gabeko ekintzak bururik ez duten bihotzak dira. Bata eta bestea ezinbestekoak dira gaur egungo agertokian.
Aspalditik gatoz eta urrutira goaz, klase ikuspegia eta gehiengo zapalduaren bizipena oinarrian izanda, eta ekonomia gaiak jorratzen eta ulertarazten aritzen gara, Bilbo Hiria irratia, Hordago, El Salto Radio, Argia eta Arrosa sarean arteko elkarlanari esker.