Aste Santuaren aurreko Potto emanaldi honetan aurtongo eta orain dela urte batzuetako sariketak gogoratu dizkigu Jabi Lauzurikak: 2002ko Bizkaiko txapelketa eta 2003ko Gipuzkoakoa, Bermeon eta Tolosan jokatu zirenak, hurrenez hurren. Sariketa horietako bertsorik hoberenak aukeratu eta entzungai jarri dizkigu. Sariketa girotik irten gabe, bigarren atalean aurtongo martxoaren 31n jokatu zen BBK Sariketako finala ere izan du aipagai eta hartatik Ipar Uribe eta Durangaldeko bertsolariek egindako lanaren lagin bat eskaintzen digu. Horrezaz gainera, beti bezala, hurrengo bertso saioen agenda ere badaukazu. Deskargatu nahi baduzu Potto-ren azken saioa, klikatu HEMEN.