Uztailaren lehenean urtebete beteko da Mozal Legea deiturikoa indarrean jarri zenez geroztik. Aitor Corres Salaketako kideak lege horren gaineko balorazioa egin digu gaurko magazinean eta, bide batez, haren aurka izango diren mobilizazioen berri eman. Aitorren iritzian, datuak beldurra emateko modukoak dira, zeren eta lau mila izan baitira, guztira, lege honetan oinarri harturik, hemengo eta kanpoko segurtasun indarrek jarri dituzten isunak. Berak dioenez, lege honek ez du beste helbururik, eskubide sozialak galtzearen kontra egiten diren herri erantzunak haustea baino. Horregatik, uztailaren lehenean mobilizazioak izango dira Hego Euskal Herriko lau hiriburuetan, lege honek berez dakartzan kalteak salatzeko.
Deskargatu hemen.
