Urtea hasi denetik, lanean gertaturiko 53 heriotza zenbatu dituzte sindikatuek Hego Euskal Herrian; Iparraldekoak kontuan hartuz gero, 55era igotzen da kopurua, LAB sindikatuak bere webgunean duen zenbaketaren arabera. Atzo protesta egin zuten Bilboko kaleetan eta hitzez bakarrik ez, ekintzekin ere salatu dituzte patronal eta erakundeen jarduerak. Isilik egin dute plaza Biribiletik abiatutako manifestazioa, eta bidean hainbat geldialdi egin dituzte. Lehena Confebaskek Bilbon duen egoitzaren aurrean. Egoeraren berri eman digu Ibon Zubiela LABeko lan osasuneko arduradunak.
HIZPIDEA: Prekarietateak lan istripuetan duen eragina salatu dute sindikatuek
