Aste honetako Argia astekariak landu dituen gaiak komentatu dizkigu Lander Arbelaitz erredaktoreak. Hasteko, azalera eraman duten gaia aipatu digu Landerrek. Hauteskundeen inguruko erreportaje zabala egin dute Asier Etxenike soziologo eta Estitxu Garai publizitate eta komunikazioan adituarekin. Lerro buru nagusiak horrela dio ‘Kanpaina epela, boterea goxo’. Legebiltzar berrian aldaketak izan daitezkeen aztertu dute. Bestetik Yayo Herrero ekofeminista eta antropologoarekin eginiko elkarrizketaren xehetasunak ekarri dizkigu. Haren esanetan, ekologismoa eta feminismoa jarri behar dira paradigmaren erdigunean, bizitza duinaren alde egin nahi badugu. Larunbatean ‘ Lanak eta eredu produktiboa krisi sistemikoan’ tailerra emango du Nazioarteko III. Topaketa Ekosozialistetan, Bilbon. Bukatzeko Amerikako Estatu Batuetako hauteskundeen inguruko erreportajea komentatu digu Arbelaitzek, Mixeria eta kutsaduratan itota gaudenok zergatik maite dugun Trump?
Deskargatu hemen.
