Arantza Zulueta abokatuaren egoera salatzeko 40 elkarte feministek agerraldia egin dute gaur goizean. Bi urte eta hamar hilabete daramatza Arantza Zulueta abokatuak espetxean, bakartze egoeran, eta elkarte feminista horiek babesa eman diote. Puerto III kartzelan dagoen abokatuaren bakartze egoera salatu dute, eta Arantza Zuluetaren baldintzetan “genero aldagaiak” duen eragina nabarmendu dute. Emakumea izateak zein eragin daukan nabarmendu dute. Gizonentzako prestatutako espazioa da isolamendu modulua eta gizonez inguratuta dago. Arantza SOS kanpainarekin bat egin dute eta dei berezia egin diete Espainiako eta, bereziki, Andaluziako herri mugimendu eta elkarte feministei, Zuluetak pairatzen duen egoera dela eta, “elkartasun feminista eta internazionalista” erakutsi dezaten. Azaldu dutenez, dagoeneko hainbat elkarteri igorri diete adostu duten agiria.
Deskargatu hemen.
