Gaurko saioan Ruper Ordorika izan da gurean. Gaur bertan aurkeztu duen Guria Ostatuan azken lanean bildutako kantuak entzun ditugu berarekin batera. 11 kantu berri bildu ditu lanean eta pozik agertu da eginiko lanarekin. Uztailean New Yorken grabatu zuen lana eta hango musikariekin aritu da berriro ere. Jamie Saft aritu da pianoa, Hammond-a eta teklatuekin; Tony Scherr izan da kontrabaxuan eta gitarra elektrikoetan, eta Kenny Wollesen-ek grabatu ditu bateria, bibrafonoa eta perkusioak. Zuzenean egin dituzte grabazioak estudioan, hiru egunetan. Arkaitz Minerrek ere grabatu ditu biolin, biola eta mandolina diskorako, baina Euskal Herrian berak, Elkar estudioan.
Bestetik, Ander Odriozolaren bisita izan dugu. Bere lehen nobela argitaratu berri du, Freeport deiturikoa. kontakizunaren trama genero beltz klasikoan sailkatzen da. Joanes detektibe kaxkarraren ibilerak kontatzen dizkigu, Ondarroa eta Bilbo artean kokatuta.
Deskargatu hemen.
