Atzo irailak 26, hiru urte bete ziren Mexikoko Guerrero estatuan 43 ikasle desagerrarazi zituztela. Egia eta justizia gabe hiru urte daramate Ayotzinapako 43 ikasleren familiek. Besteak beste, “izua zabaltzeko eta protesta soziala geldiarazteko estrategia global baten barruan” kokatzen dute gertatutakoa. Carlos Martin Beristainek El tiempo de Ayotzinapa liburua aurkeztuko du gaur La Bolsa udaltegian. Gurean izan dugu eta liburuaren nondik norakoak ekarri dizkigu. 2015ean Giza Eskubideen Batzorde Interamerikarrak aditu independenteen talde bat (GIEI) izendatu zuen kasua ikertzeko, biktimen ordezkariekin eta Estatu mexikarrarekin adostuta. Taldeak sei hilabeteko bi epetan bi txosten sakon argitaratu zituen. GIEI taldeko kide izan zen Carlos Martin Beristain, liburuaren egilea. Liburua bere bizipenetatik abiatuta idatzitako historia dugu, biktimen familien minetik eta hausnarketatik sortutako narrazioa da.
Deskargatu hemen.
