Gaurkoan zinez jardun dugu, Iratxe Fresneda laguna batu baitzaigu saiora. EHUko irakaslea eta kazetaria da Iratxe, eta duela urtebete Irrintziaren oihartzuna bere lehen dokumentala aurkeztu zuen Donostian, Zinemaldiko Zinemira sailean. Mirentxu Loyarte zinegilearen figuraren eta ekoizpenaren inguruko lana da. Urte bete honetan ibilbide oparoa egin du dokumentalak eta bihar film sozialen jaialdian ikusteko aukera izango da.
Xamarrekin gaurkoan Joan Ignazio Iztueta Etxeberria ezagutu dugu (Zaldibia, Gipuzkoa, 1767ko azaroaren 29a – 1845eko abuztuaren 18a). Euskal idazle eta poligrafoa izan zen Iztueta, eta arlo askotan nabarmendu zen, dantza irakasle eta herri folklorearen biltzaile lanetan kasu, eta Gipuzkoako dantza gogoangarrien kondaira edo historia izeneko liburuan bildu zituen, euskaraz, 1824. […]
