Berri txarrak taldeak bederatzigarren lana esku artean duela gaur aurkeztu du. Infrasoinuak kantuak ematen dio izena lan berrari, 10 kantu berri. Gorka, Galder eta David batu zaizkigu saiora. Lan berriaren zehetasuna ekarri dizkigute, Grabaketa Bill Stevensonekin eta Jason Livermorekin egin dute, kontzertu baten osteko proposamena izan zen. Txilen sortu zen hau guztia, 2016ko abenduan. Descendents taldeak gonbidatu zituen Hego Amerikako birarako. Oso konexio ona izan zuten, eta zuzenean ikusi ondoren, Bill Stevensonek proposamena egin zien, Berri Txarraken disko berria grabatzeko berak eskaini zuen bere burua. Infrasoinuak kontzertuaren inguruan ere mintzatu dira, erreparatzen ez diegun kontuei inguruan zabiltzate. Entzun bai baina adituez, begiratu bai baina ikusi ez. Egingo dituzten kontzertuen gaineko datak ere eman dituzte. Otsailean kanpoan ibiliko dira bira erraldoi batean, eta Japonia, Txina, Thailandia eta Australia bisitatuko dituzte. Martxoan hiru kontzertu berezi egingo dituzte. Euskal Herrian bakarra, Barakaldoko BEC-en, 17an. Beste biak Madrilen eta Bartzelonan.
Deskargatu hemen.
